Interesting Facts about Tiger in Telugu | పులి గురించి ఆసక్తికరమైన విషయాలు | Student Soula

Tabble of Content పులి (Tiger) పులులు ఎందుకు అవసరం? పులులు అంతరించిపోవడానికి కారణాలు ఇతర అంశాలు వీటిని కూడా చూడండి

పులి (Tiger):

• పులి యొక్క శాస్త్రీయ నామం ⇒ పాంథెర టైగ్రిస్
• ఇది ఫెలిడే (Felide) కుటుంబంలో కెల్లా అతి పెద్ద జాతి
• ఫెలిడే అనేది అన్ని రకాల పిల్లులను (Cats) కలిగి ఉన్న క్షీరదాల యొక్క జీవసంబంధమైన కుటుంబం.
• ఇది ఆహారపు గొలుసులో శీర్షభాగాన ఉండే వేటాడే జంతువులలో ఒకటి.
• ప్రతీ పులికి వాటి శరీరం మీద ఉన్న నల్లని చారలు వేర్వేరుగా ఉంటాయి. మనుషుల్లో ఏ ఇద్దరికీ ఒకేలాంటి వేలి ముద్రలు ఉండనట్టే ఏ రెండు పులులకు ఒకే రకమైన చారలు ఉండవు.
• పులులలో ముఖ్యమైన ఉపజాతులు: బెంగాల్ టైగర్, ఇండో చైనీస్ టైగర్, మలయన్ టైగర్, సైబీరియన్ టైగర్, సౌత్ చైనా టైగర్, సుమత్రన్ టైగర్.
• ఇవి గరిష్ఠంగా 25 సంవత్సరాల వరకు జీవిస్తాయి. పులి యొక్క జీవిత కాలం వాటి నివాసం, ఆహారం, ఆరోగ్యం వంటి వివిధ అంశాలపై ఆధారపడి ఉంటుంది.
• మగ పులులు 200 కిలోల వరకు, ఆడ పులులు 170 కిలోల వరకు బరవు పెరుగుతాయి.
• మగ పులులు 4 మీటర్లు, ఆడ పులులు 3 మీటర్ల వరకు పొడవు ఉంటాయి.
• సగటున పులులు ప్రతి రెండు సంవత్సరాలకు రెండు నుండి నాలుగు పిల్లలకు జన్మనిస్తాయి.
• చాలా పులులు పిల్లలుగా ఉన్నప్పుడే చనిపోతాయి. 
• పులులు పుట్టాక ఎక్కువ కాలం తమ తల్లిదండ్రులపై ఆధారపడవు. రెండేళ్ల వయసు రాగానే విడిగా వెళ్లిపోతాయి.
• మగ పులులు 4-5 ఏళ్ల తర్వాత, ఆడ పులులు 3-4 ఏళ్ల తర్వాత లైంగిక పరిపక్వతను (Sexual Maturity) పొందుతాయి.
• ఇది నీటిలో కూడా బాగా ఈదగలవు.
• ఇవి ఒకేసారి 36 కిలోల కంటే ఎక్కువ మాంసాన్ని తినగలవు.
• పులి గర్జన 3 కిలోమీటర్ల వరకు వినబడుతుంది.
• పులులు సింహాలుగా గుంపులుగా కాకుండా విడివిడిగా జీవిస్తాయి.
• పులులు ఒక ప్రాంతాన్ని ఎంచుకుని, అందులోకి మరో పులిని రానివ్వవు.
• పులుల సగటు పరుగు వేగం గంటకు 56-64 కిలోమీటర్లు. అయితే ఇవి ఎక్కువ దూరం ఈ వేగాన్ని కొనసాగించలేవు.
• రాత్రుల్లో పులుల కంటిచూపు, మనుషుల కంటిచూపు కంటే ఆరు రెట్లు అధికంగా ఉంటుంది. ఇవి పగటి వేళ కంటే రాత్రివేళ బాగా వేటాడగలవు.
• ఇవి సాధారణంగా ఒంటరిగా వేటాడతాయి.
• వేట సమయంలో ఇవి వాసన కంటే దృష్టి మరియు వినికిడిపై ఎక్కువగా ఆధారపడతాయి.

పులులు ఎందుకు అవసరం?:

• "అడవి లేకపోతే పులి చంపబడుతుంది. పులి లేకపోతే అడవి నాశనమవుతుంది. అందుకే పులి అడవిని రక్షిస్తుంది మరియు అడవి పులిని కాపాడుతుంది" ⇒ మహాభారతంలోని ఉద్యోగ పర్వం.
• పులులు పర్యావరణ వ్యవస్థ యొక్క సమతుల్యతను కాపాడుకోవడంలో కీలక పాత్ర పోషిస్తాయి. గడ్డి, ఆకులను తిని పర్యావరణంపై ప్రతికూల ప్రభావాన్ని చూపే శాకాహార జంతువులను నియంత్రించడంలో పులులు సహాయపడతాయి.
• పులులు పర్యావరణ పర్యాటకానికి ఆకర్షణ. దీంతో అక్కడి స్థానికులకు స్థిరమైన ఆదాయ వనరులు సమకూర్చడంలో సహాయపడతాయి.
• పులులకు అనేక దేశాల్లో బలమైన సాంస్కృతిక ప్రాముఖ్యత ఉంది. ప్రత్యేకించి ఆసియాలో వాటిని బలం మరియు శక్తికి చిహ్నంగా పరిగణిస్తారు.

పులులు అంతరించిపోవడానికి కారణాలు:

• పులుల్ని వేటాడటం ఆ తర్వాత వాటి చర్మాలను ఇంట్లోని గోడలకు వేలాడదీయడం మన పూర్వపు రాజులు చేసేవారు. పులిగోర్లను లాకెట్లలో ధరించి మెడలో వేసుకోవడం రాచరికానికి హోదాగా భావించేవారు.
• పూర్వం చాలామంది పులుల్ని చంపడం లేదా వేటాడటం ద్వారా తమ శక్తి సామర్థ్యాలను చూపించుకునేవారు.
• పెరిగిన నగరాలు, పట్టణీకరణతో అడవుల విస్తీర్ణం అతివేగంగా గణనీయంగా తగ్గిపోవడం.
• పులులు మనుగడ సాగించే ఆవాస ప్రాంతం తగ్గిపోవడంతో వాటి మనుగడ దెబ్బ తింటుంది. దీంతో వాటి సంఖ్య రాను రాను తగ్గిపోయింది.
• పులి చర్మం, ఎముకలు, గోర్లు, వెంట్రుకలు ఇలా దాని శరీరంలోని అన్ని భాగాలకు అంతర్జాతీయ మార్కెట్లో మంచి డిమాండ్ ఉండడంతో వాటిని విశృంఖలంగా వేటాడుతున్నారు.
• అడవి జంతువులను నిరోదించడానికి అమర్చిన విద్యుత్ వైర్లలో చిక్కుకుని పులులు కూడా చనిపోతున్నాయి.
• పులులు పశువులను చంపుతున్నాయన్న కోపంతో కొంతమంది పులులకు విషం పెట్టి చంపేస్తున్నారు.
• మనుషులతో ఘర్షణాత్మక వాతావరణం, అడవుల్లో అగ్నిప్రమాదాలు, గనుల తవ్వకం, మౌలిక వసతుల విస్తరణ మొదలైనవి పులులు అంతరించడానికి కారణాలు.

ఇతర అంశాలు:

• 1970లో ఇంటర్నేషనల్ యూనియన్ ఫర్ కన్జర్వేషన్ ఆఫ్ నేచర్ (IUCN) పులిని అంతరించిపోతున్న (Endangered) జాతిగా ప్రకటించింది.
• భారతదేశంలో ప్రాజెక్ట్ టైగర్ ను 1 ఏప్రిల్ 1973న ప్రారంభించారు.
• జాతీయ పులుల సంరక్షణ, సాధికార సంస్థ (National Tiger Conservation Authority-NTCA)ను 2005లో వన్యప్రాణి సంరక్షణ చట్టం-1972 క్రింద స్థాపించబడింది.
• ప్రపంచంలోని 70 శాతం పులులు భారతదేశంలోనే ఉన్నాయి.
• భారతదేశం యొక్క జాతీయ జంతువు⇒ రాయల్ బెంగాల్ టైగర్ (1973 ఏప్రిల్)
• అంతర్జాతీయ పులుల దినోత్సవం (International Tiger Day)⇒జులై 29

వీటిని కూడా చూడండి:

• భారతదేశంలో పులుల సంరక్షణ (Tiger Conservation in India)
• భారతదేశంలోని టైగర్ రిజర్వ్‌ల జాబితా (List of Tiger Reserves of India)
• భారతదేశంలో పులుల జనాభా (Tiger Population in India)
• పులి (Tiger)
• జనరల్ స్టడీస్ (General Studies)
• ముఖ్యమైన దినోత్సవాలు (Important Days)