Sunday, May 14, 2023

World Air Quality Report in Telugu | ప్రపంచ వాయు నాణ్యత నివేదిక | Student Soula

దయచేసి మీ సలహాలను సూచనలను అభిప్రాయాలను కామెంట్ ద్వారా తెలుపవలసిందిగా అభ్యర్థిస్తున్నాను.... Contact: studentsoula@gmail.com

World Air Quality Report in Telugu | ప్రపంచ వాయు నాణ్యత నివేదిక | Student Soula


  • IQ Air అనేది స్విట్జర్లాండ్ దేశపు ఎయిర్ క్వాలిటి టెక్నాలజీ కంపెనీ. దీనిని మాన్ ఫ్రెడ్ హమ్మెస్ మరియు క్లాస్ హమ్మెస్ అనే సోదరులు 1963లో జర్మనీలో స్థాపించారు.
  • 1982లో దీని ప్రధాన కార్యాలయాన్ని స్విట్జర్లాండ్ కు మార్చారు.
  • నగరం, దేశం మరియు ప్రాంతాల వారీగా క్రమబద్ధీకరించబడిన మరింత చారిత్రాత్మక వాయు నాణ్యత డేటాను IQAir వెబ్‌సైట్‌లో చూడవచ్చు.
  • Website: www.iqair.com
  • ఇది ప్రతి సంవత్సరం ప్రపంచ వాయు నాణ్యత నివేదిక (World Air Quality Report) ను విడుదల చేస్తుంది.
  • మొదటి ప్రపంచ వాయు నాణ్యతా నివేదిక-2018ను 5 మార్చ్ 2019న విడుదల చేశారు.
  • ఈ నివేదికలో ఉపయోగించబడే డేటాను రెగ్యులేటరీ ఎయిర్ క్వాలిటీ మానిటరింగ్ స్టేషన్లు మరియు తక్కువ-ధర గాలి నాణ్యత సెన్సార్ల నుండి తీసుకోబడుతుంది.
  • ఈ పర్యవేక్షణ స్టేషన్లు మరియు సెన్సార్లను ప్రపంచ వ్యాప్తంగా వివిధ దేశాల ప్రభుత్వ సంస్థలు, పరిశోధనా సంస్థలు, లాభపేక్షలేని ప్రభుత్వేతర సంస్థలు, విశ్వవిద్యాలయాలు మరియు విద్యా సౌకర్యాలు, ప్రైవేట్ సంస్థలు మరియు పౌర శాస్త్రవేత్తలు నిర్వహిస్తున్నారు.
  • PM2.5 యొక్క వార్షిక సగటు సాంద్రత (μg/m³) ఆధారంగా ఈ నివేదికలలో దేశాలు, రాజధానులు మరియు నగరాలకు ర్యాంకింగ్ ఇస్తుంది.

PM2.5 అంటే?:
  • PM2.5 (Particulate Matter) అనేది 2.5 మైక్రోమీటర్ల వ్యాసం లేదా అంతకంటే తక్కువ ఉండే దుమ్ము రేణువులను సూచిస్తుంది.
  • ఈ రేణువులు మానవ జట్టు యొక్క వ్యాసంలో 3% ఉంటాయి.
  • ఈ PM2.5 కణాలు ముఖ్యంగా మానవ ఆరోగ్యానికి హానికరం. ఎందుకంటే ఇవి ఊపిరితిత్తులలోకి లోతుగా చొచ్చుకుపోయేంత చిన్నవిగా ఉంటాయి మరియు రక్త  ప్రవాహంలోకి కూడా ప్రవేశిస్తాయి.
  • PM2.5 యొక్క అధిక స్థాయిలకు గురి కావడం వల్ల శ్వాసకోశ వ్యాధులు, గుండె జబ్బులు, స్ట్రోక్, క్యాన్సర్ మరియు ఇతర దీర్ఘకాలిక ఆరోగ్య పరిస్థితులకు దారితీయవచ్చు.
  • గాలి నాణ్యతను కొలిచేటప్పుడు, PM2.5 గాఢత స్థాయిలు సాధారణంగా ఒక క్యూబిక్ మీటర్ () కు  మైకోగ్రాము (μg) లలో నివేదించబడతాయి.
  • క్యూబిక్ మీటర్ అంటే, ఒక మీటర్ పొడవు ఉండే భుజాలతో ఒక క్యూబ్ ఆకారంలో పెట్టెని ఊహించుకోండి. ఆ పెట్టెలో ఒక క్యూబిక్ మీటర్ వాల్యూమ్ ఉంది అనుకుంటే, ఇది 1000 లీటర్ల నీటికి సమానం.
  • ప్రపంచ ఆరోగ్య సంస్థ (WHO), PM2.5 యొక్క వార్షిక సగటు సాంద్రత ఒక క్యూబిక్ మీటరుకు 5 మైక్రోగ్రాములు (5 μg/m³) మించరాదని  సిఫార్సు చేసింది. 
World Air Quality Report-2022:
  • 5వ ప్రపంచ వాయు నాణ్యత నివేదిక-2022ను మార్చి 14, 2023న విడుదల చేశారు.
  • ఈ నివేదిక 2022 సంవత్సరానికి గాను ప్రపంచవ్యాప్తంగా గాలి నాణ్యత యొక్క స్థితిని సమీక్షిస్తుంది.
  • ఈ నివేదికలో 131 దేశాలు, 116 దేశాల రాజధానులు మరియు 7,323 నగరాలకు ర్యాంకులను ఇచ్చారు.
  • ఈ నివేదికలో ఉపయోగించిన డేటా 30,000 రెగ్యులేటరీ ఎయిర్ క్వాలిటీ మానిటరింగ్ స్టేషన్లు మరియు తక్కువ-ధర గాలి నాణ్యత సెన్సార్ల నుండి సమగ్రపరచబడింది. ఈ పర్యవేక్షణ స్టేషన్లు మరియు సెన్సార్లను ప్రభుత్వ సంస్థలు, పరిశోధనా సంస్థలు, లాభాపేక్షలేని ప్రభుత్వేతర సంస్థలు, విశ్వవిద్యాలయాలు మరియు విద్యా సౌకర్యాలు, ప్రైవేట్ సంస్థలు మరియు ప్రపంచవ్యాప్తంగా ఉన్న పౌర శాస్త్రవేత్తలు నిర్వహిస్తున్నారు.
  • భారతదేశం అత్యంత కాలుష్య దేశాల ర్యాంకింగ్ లో 8వ స్థానంలో, రాజధాని ర్యాంకింగ్ లో 2వ స్థానంలో ఉంది. 50 అత్యంత కాలుష్య నగరాలలో 39 భారతదేశ నగరాలే ఉన్నాయి.
  • World Air Quality Report 2022 (PDF)
  • Source
World Air Quality Report 2022
# Rank Country/ Capital/ City Name PM2.5 concentration
(μg/m³)
అత్యంత కాలుష్య దేశాలు 1 Chad 89.7
2 Iraq 80.1
3 Pakistan 70.9
8 India 53.3
131 Guam 1.3
అత్యంత కాలుష్య రాజధానులు 1 N’Djamena, Chad 89.7
2 New Delhi, India 89.1
3 Baghdad, Iraq 86.7
116 Canberra, Australia 2.8
అత్యంత కాలుష్య నగరాలు 1 Lahore, Pakistan 97.4
2 Hotan, China 94.3
3 Bhiwadi, India 92.7
4 Delhi, India 92.6
7323 Arch Cape, USA 0.2

* ప్రపంచ ఆరోగ్య సంస్థ (WHO), PM2.5 యొక్క వార్షిక సగటు సాంద్రత ఒక క్యూబిక్ మీటరుకు 5 మైక్రోగ్రాములు (5 μg/m³) మించరాదని  సిఫార్సు చేసింది. 



వీటిని కూడా చూడండి:




No comments:

Post a Comment