Thursday, January 9, 2020

History of International Anti-Corruption Day in Telugu | అంతర్జాతీయ అవినీతి నిరోధక దినోత్సవం


History of International Anti Corruption Day in Telugu | అంతర్జాతీయ అవినీతి నిరోధక దినోత్సవం
International Anti Corruption Day in telugu, International Anti Corruption essay in telugu, History of International Anti Corruption Day, about International Anti Corruption Day, Themes of International Anti Corruption Day, Celebrations of International Anti Corruption Day, International Anti Corruption Day, antharjathiya avinithi vyatireka dinotsavam, Day Celebrations, Days Special, What today special, today special, today history, Days, Important days, important days in telugu, important days in January, important days in February, important days in March, important days in April, important days in May, important days in June, important days in July, important days in August, important days in September, important days in October, important days in November, important days in December, special in December, days celebrations in December, popular days in December, December lo dinostavalu, special in December 9, Student Soula,

అంతర్జాతీయ అవినీతి నిరోధక దినోత్సవం - డిసెంబర్ 9

లక్ష్యం:
  • అవినీతి (Corruption) యొక్క ప్రతికూల ప్రభావాల గురించి అవగాహన కల్పించడం, దానిని నిరోధించడం మరియు దానికి వ్యతిరేఖంగా పోరాడటం అంతర్జాతీయ అవినీతి నిరోధక దినోత్సవం (International Anti Corruption Day) యొక్క ముఖ్య లక్ష్యం.

ఎప్పటి నుంచి?
  • 2004 నుండి ప్రతీ సంవత్సరం డిసెంబర్ 09 ను అంతర్జాతీయ అవినీతి నిరోధక‌ దినంగా పాటిస్తారు.

డిసెంబర్ 09 నే ఎందుకు?
  • 2003 అక్టోబర్ 31న ఐక్యరాజ్య సమితి జనరల్ అసెంబ్లీ అవినీతికి వ్యతిరేకంగా ఐక్యరాజ్యసమితి కన్వెన్షన్ (UNCAC- United Nations Convention Against Corruption) అనే తీర్మానాన్ని ఆమోదించబడింది.
  • UNCAC అనేది UN సభ్య దేశాల మధ్య ఒక ఒప్పందం. దీనిపై UN సభ్య దేశాలు 2003 డిసెంబర్ 9 న సంతకం చేశాయి.
  • అందుకే 2004 నుంచి ప్రతీ సంవత్సరం డిసెంబర్ 09 ను అంతర్జాతీయ అవినీతి నిరోధక‌ దినంగా పాటిస్తారు.
  • ఈ UNCAC 14 డిసెంబర్ 2005 నుండి అమల్లోకి వచ్చింది. 

గణాంకాలు:
Transparency International:
  • ఇది 1993లో జర్మనీ రాజధాని బెర్లిన్ లో స్థాపించబడిన అంతర్జాతీయ ప్రభుత్వేతర సంస్థ (NGO).
  • ఇది 1995 నుంచి ప్రతీ సంవత్సరం అవినీతి అవగాహన సూచిక (CPI- Corruption Perceptions Index) ను విడుదల చేస్తుంది.
  • 1999 నుంచి ట్రాన్స్పరెన్సీ ఇంటర్నేషనల్ లంచం చెల్లింపుదారుల సూచిక (BPI- Bribe Payers Index) ను ప్రచురించడం ప్రారంభించింది.
  • 2018 లో భారత్ లో సగటున 56% మంది లంచం ఇచ్చినట్లు అంగీకరించగా, ఈ సంఖ్య 2019 లో 51% కి పడిపోయింది. ఇండియా కరప్షన్ సర్వే 2019 ప్రకారం, రాజస్థాన్ లో 78% (ఎక్కువ) మరియు బీహార్ లో 75% మంది లంచం చెల్లించడాన్ని అంగీకరించారు.
  • Global Corruption Index -2018 నివేదిక ప్రకారం 180 దేశాల్లో అతి తక్కువ అవినీతి గల దేశాల్లో డెన్మార్క్ అగ్రస్థానంలో నిలిచింది. అత్యంత ఎక్కువ అవినీతితో సోమాలియా చివరి (180వ) స్థానంలో నిలిచింది. ఇందులో భారత్ 78వ స్థానంలో నిలవగా, పొరుగున ఉన్న పాకిస్థాన్ 117, చైనా దేశాలు 87 ర్యాంకులతో ఉన్నాయి.

అవినీతి నిరోధక దినం ప్రచారాలు (campaigns):
  • 2016 నుంచి - అవినీతికి వ్యతిరేకంగా యునైటెడ్ (United Against Corruption)
  • 2014 - 2015: అవినీతి గొలుసును విచ్ఛిన్నం చేయండి (Break The Corruption Chain)
  • 2013: జీరో అవినీతి - 100% అభివృద్ధి (Zero corruption - 100% development)
  • 2011 - 2012: అవినీతికి వ్యతిరేకంగా చట్టం (ACT against corruption)
  • 2007 -2010: అవినీతి - మీ NO గణనలు (Corruption - your NO counts)
  • 2005 - 2006: మీరు అవినీతిని ఆపవచ్చు (You can stop corruption)
  • 2004: అవినీతితో అందరూ చెల్లిస్తారు (With corruption everyone pays)

అవినీతి అంటే ఏమిటి?
  • సాధారణంగా, అవినీతి (Corruption) అంటే చట్టబద్ధమైన లేదా చట్టవిరుద్ధమైన పని చేయడానికి ఇచ్చిన అన్యాయమైన ప్రయోజనాలు.
  • ఈ ప్రయోజనం లంచం (Bribe) అని పిలువబడే ఆర్థిక రూపంలో ఉంటుంది లేదా అది వేరే విధంగా ఉంటుంది.

అవినీతి ప్రభావం:
  • ఇది తీవ్రమైన నేరం, ముఖ్యంగా అభివృద్ధి చెందుతున్న దేశాలకు.
  • ఇది సామాజిక మరియు ఆర్థిక అభివృద్ధి వేగాన్ని తగ్గిస్తుంది.
  • ఇది జాతీయ భద్రతను కూడా ప్రభావితం చేస్తుంది.
  • అవినీతి కారణంగా లక్షలాది మంది ప్రజలు సరైన విద్య, ఆరో‌గ్య సంరక్షణ సౌకర్యాలు మరియు ఇతర సౌకర్యాలను పొందలేకపోతున్నారు.
  • అవినీతి వల్ల మానవ హక్కుల ఉల్లంఘనలు, మార్కెట్‌ అనిశ్చితి, జీవన ప్రమాణాల నాణ్యంలో క్షీణత లాంటివి చోటు చేసుకుంటాయి. వ్యవస్థీకృత నేరాలు పెరిగిపోతాయి.
  • ప్రభుత్వాలు, ప్రయివేటు సంస్థలు, ఎన్జీవోలు, మీడియా, వ్యక్తులు కలసికట్టుగా అవినీతి వ్యతిరేక ఉద్యమంలో పాలుపంచుకోవాల్సి ఉంది.

అవినీతిని అరికట్టగలిగే మార్గాలు:
  • కోర్టుల్లో ప్రజా ప్రయోజన వ్యాజ్యాలు దాఖలు చేయడం, హక్కుల కమిషన్లను ఆశ్రయించడం, ఇంటర్నెట్‌, టీవీ, ప్రింట్‌ మీడియాను ఆశ్రయించడం.
  • యాంటీ కరెప్షన్‌ సంస్థలు ఏర్పాటు చేయడం, రాజకీయ పక్షాలకు నిధులు అందించడంలో, పాలనావ్యవహారాల్లో పారదర్శకత పెంచడం, ప్రతిభ, సామర్థ్యం లాంటి అంశాల కారణంగా నియామకాలు, ప్రమోషన్లు చేపట్టడం లాంటి చర్యలు తీసుకోవాలని ఈ రంగంలో నిపుణులు సూచిస్తున్నారు.
  • అనుమానాస్పద లావాదేవీలను గుర్తించడం, వివిధ దేశాలు పరస్పరం సహకరించుకోవడం, అన్ని రంగాల్లో అధునాతన సాంకేతిక పరిజ్ఞానాన్ని ఉపయోగించడం.
  • ఎన్నికల రాజకీయ వ్యవస్థలో అవినీతి తొలగించేందుకు సంస్కరణలు చేపట్టాలి.
  • ప్రతీ కార్యాలయంలో సేవల వివరాలు అవి పొందే విధి విధానాలు ఏ పని ఎన్నిరోజుల్లో చేస్తారో వివరించే ఫిజికల్‌ చార్టర్‌లు చాలా శాఖల్లో ప్రకటించారు. వీటిని సక్రమంగా అమలుజరిగేలా కార్యాచరణ ఉండాలి.
  • పారదర్శకత కోసం సమాచార హక్కు చట్టం ద్వారా పూర్తి సమాచారం ప్రజలకు తెలుసుకునే వీలు కలిగింది. దీన్ని సక్రమంగా వినియోగించుకుంటే అవినీతి దూరమవుతుంది.
  • కేంద్రీకృత పాలన అవినీతికి మూలమైంది. దీనికి విరుగుడుగా అధికార వికేంద్రీకరణ జరగాల్సి ఉంది.
  • జవాబుదారీతనంతో స్థానిక ప్రభుత్వాలు సాధించాలి.
  • మనదేశాన్ని మనమే రక్షించుకునే దిశగా ప్రతీఒక్కరూ అవినీతికి వ్యతిరేకంగా ప్రతిన బూనాల్సిన అవసరం ఎంతైనా ఉంది.


అవినీతి నిరోధక చట్టాలు:
అవినీతి నిరోధక చట్టం -1947:
  • అవినీతి అంశంపై మొదటి ప్రత్యక్ష మరియు ఏకీకృత చట్టం అవినీతి నిరోధక చట్టం -1947. ఇది ఐపిసి యొక్క నిబంధనలకు అనుబంధంగా స్వతంత్ర భారతదేశంలో అమలు చేయబడింది.

అవినీతి నిరోధక చట్టం (PC చట్టం- Prevention Of Corruption Act) - 1988:
  • ప్రభుత్వ విభాగాలలో అవినీతిని నివారించడానికి మరియు అవినీతి చర్యలకు పాల్పడిన ప్రభుత్వ ఉద్యోగులను విచారించడానికి మరియు శిక్షించడానికి అవినీతి నిరోధక చట్టం - 1988 (పిసి చట్టం) రూపొందించబడింది.

అవినీతి నిరోధక చట్టం -2018:
  • అవినీతి నిరోధక చట్టం - 1988 లో సవరణ చేయడమైంది. సవరణ చేయబడిన ఈ చట్టం 26 జూలై 2018 న అమల్లోకి వచ్చింది.

అవినీతి నిరోధక సంస్థలు:
కేంద్ర నిఘా సంఘం (CVV- Central Vigilance Commission):
  • కె.సంతానం అధ్యక్షతన 1960 లో భారత ప్రభుత్వం అవినీతి నిరోధక కమిటీని నియమించింది. ఈ కమిటీ తన నివేదికను 1962 లో ఇచ్చింది. ఈ కమిటీ సిఫారసుల ఆధారంగా కేంద్ర ప్రభుత్వం మరియు ఉద్యోగులపై అవినీతి కేసులను పరిశీలించడానికి 1964 లో కేంద్ర విజిలెన్స్ కమిషన్‌ను ఏర్పాటు చేశారు.
  • 2003 లో పార్లమెంటు CVV పై చట్టబద్ధమైన హోదాను ఇచ్చే చట్టాన్ని రూపొందించింది. ప్రస్తుతం ఇది ఒక చట్టబద్ద సంస్థ.
  • భారతదేశపు మొదటి చీఫ్ విజిలెన్స్ కమిషనర్‌ - నిట్టూర్ శ్రీనివాస రౌ (Nittoor Srinivasa Rau)
  • భారతదేశపు ప్రస్తుత (17 వ) చీఫ్ విజిలెన్స్ కమిషనర్‌ - శరద్ కుమార్ (11 June 2019 నుండి)
CVC యొక్క ప్రధాన విధులు:
  1. ప్రభుత్వ ఉద్యోగిపై అవినీతి ఫిర్యాదుపై విచారణ చేపట్టడం
  2. అవినీతికి పాల్పడిన నిందితుడిపై ఎలాంటి చర్యలను ప్రారంభించాలో క్రమశిక్షణా అధికారికి సలహా ఇవ్వడం
  3. సాధారణ కేసు నమోదు చేయడానికి CBI ని ఆదేశించడం
  4. మంత్రిత్వ శాఖలు / విభాగాలు / బ్యాంకులు / ప్రభుత్వ సంస్థలలో విజిలెన్స్ మరియు అవినీతి నిరోధక పనులపై సాధారణ తనిఖీ మరియు పర్యవేక్షణ.

Anti-Corruption Bureau (ACB):
  • ఇది 2 జనవరి 1961 న స్థాపించబడింది.
  • ఆంధ్రప్రదేశ్‌లోని అవినీతి నిరోధక శాఖ అనేది ఒక ప్రభుత్వ సంస్థ.
  • ఈ సంస్థ ప్రభుత్వ ఉద్యోగులపై అవినీతి ఆరోపణలకు సంబంధించిన విచారణలు నిర్వహిస్తుంది. అవినీతి  నిరోధక చట్టం క్రింద అట్టి కేసుల దర్యాప్తులు, ప్రాసిక్యూషన్ లను నిర్వహిస్తుంది.
  • ఈ సంస్థ ప్రభుత్వ శాఖలలోని అవినీతి అధికారుల అవినీతి కేసులు, ఆదాయానికి మించిన ఆస్తుల కేసులను వెలికితీసి, పట్టుకోవడంలో ప్రత్యేక కృషిచేస్తుంది.

Contact:
ఆంధ్రప్రదేశ్‌:
  • ACB Tollfree No -1064, WhatsApp No - 8333995858.
  • అవినీతిపై ఫిర్యాదు చేయండి, బాధ్యులైన యంత్రాంగం భరతం పడతామని కొత్తగా 14400 కాల్‌సెంటర్‌ను ఆంధ్రప్రదేశ్‌ ప్రభుత్వం అందుబాటులోకి తీసుకొచ్చింది.
తెలంగాణ:
  • ACB Toll Free No - 1064, WhatsApp No - 9440446106.

వీటిని కూడా చూడండీ:



No comments:

Post a Comment

Subscribe to: Post Comments (Atom)